«Қойылым ғана»: журналист Мөлдір Мұқанованың сөздеріне күмәнмен қарады

Белгілі журналист Гүлбану Әбенова әйгілі әзілкеш Тұрсынбек Қабатовтың әйелі Мөлдір Мұқанның ажырастым деген сөзіне күмән білдіреді, деп хабарлайды sadaq.kz сайты malim.kz-ке сілтеп. 

Бұл туралы ол Facebook желісіндегі парақшасында жазыпты.

Ажырасу туралы куәлігіңді көрсетші десем, Мөлдір көрсете алар ма еді деген сауал қояды журналист.

Оның ойынша, сот болған жағдайда кемінде үш баласына алимент тағайындалуы керек екен. Осылайша, Мөлдір Мұқанның жанжалды мәлімдемелері әншейін қойылым болуы мүмкін дейді. Журналистің жазуынша, бұл бар болғаны - фильм премьерасы алдында атақ ышғарып, көрерменді қыздыру әрекеті болуы ықтимал.

Айта кету керек, журналист Гүлбану Әбенова 2021 жылы Тұрсынбек Қабатов пен Мөлдір Мұқанның бизнесіне назар аударған еді. Ол келтірген деректер бойынша, Тұрсынбек Қабатов Астана (ол кезде - Нұр-Сұлтан) қаласы әкімдігіне қарасты ұйымнан өзінің әйелімен келісім-шарт жасаған.