«Терезеден алыс тұрыңыз»: Астанада дрондар тұрғындарға ескерту жасады (ВИДЕО)

7 мамыр күні Астанадағы әскери парад басталар алдында дауысзорайтқыш орнатылған дрондар көпқабатты үйлердің терезелеріне жақындап, тұрғындардан терезелерін жауып, шегініп тұруды сұрады, деп хабарлайды sadaq.kz.

Куәгерлердің сөзінше, дрондардың бірі 20-қабат биіктігіне дейін көтерілген. 

Тәуелсіздік алаңы маңындағы үйлердің тұрғындары дрондардың терезе маңында ұшып жүріп, мынадай мазмұндағы ескертуді қайталағанын жеткізді:

«Құрметті тұрғындар! Өз қауіпсіздіктеріңіз үшін терезені жауып, одан алыстауыңызды өтінеміз», - дейді дрон.