Жамбылдағы жер сілкінісінен аурухана, мектеп пен тұрғын үйлерге зақым келді

Жамбыл облысында болған бес баллдық жер сілкінісінің бейнекадрлары әлеуметтік желілерде таралуда, деп хабарлайды Orda.kz.

merke.life жергілікті паблигінде тұрғындар жер сілкінісі кезінде түсірілген кадрлармен бөлісуде. Жерасты дүмпулері Меркі ауылының маңында тіркелді, онда сілкініс күші бес баллға жеткен. Видеоларда жер сілкінісінен кейін ғимараттардың қабырғаларында жарықтар пайда болғаны көрсетілген.Атап айтқанда, Қарақыстақ ауылындағы Мәдениет үйінің, Меркі аудандық ауруханасының және Ойтал ауылындағы мектептің қабырғаларында жарықтар байқалған. Қазірге дейін басқа нысандарға қатысты ақпарат жоқ.

Сонымен қатар, ТЖМ командалық орталығында сейсмикалық жағдайды бақылау бойынша жедел штаб құрылды. Зардап шеккендер туралы мәлімет түскен жоқ. Құтқару бөлімшелері қажет болған жағдайда әрекет етуге дайын.

Жер сілкінісі Қазақстанмен қатар Қырғызстан аумағында да сезілген.