«Зорланған қызға 40 млн теңге берген»: Талдықорған полициясының экс-басшысы жазасын жеңілдетпекші болған

Талдықорғанда полиция департаментінің бұрынғы басшысы Марат Күштібаевтың зорлау құрбаны өз арызынан бас тартуын талап ету мақсатында жасалған 40 миллион теңгенің алаяқтық фактісі бойынша қылмыстық іс тергеліп жатыр - деп жазады sadaqmedia.kz ақпарат порталы КазТаг-қа сілтеме жасап.

"Қазір сотқа дейінгі тергеу амалдары жүргізіліп жатыр. Жақында ғана менің қорғаушыма қатысты іс қозғалды. Сондықтан іс әлі сотта жоқ, бұл сотқа дейінгі тергеп-тексеру болғандықтан менің қорғауымдағы азаматтың мәртебесі қорғауға құқығы бар куәгер", – деді Талдықорған қалалық соты хатшысының мүддесін қорғайтын адвокат Олеся Чиняева.

Адвокат бұл істі адал әрі әділ тергеуге шақырады.

"Біз бәрінің заңды екеніне ғана назар аударғымыз келеді. Осылайша, олар айтқандай, заң шеңберінде шешім қабылданады, сіз өзіңіз түсініп тұрғандай Күштібаевтың бағыныштылары істі тергеп жатыр. Мен бәрібір барлығының әділ болғанын қалаймын, өйткені қазір, менің түсінігім бойынша, бәріне тікелей менің клиентім ғана кінәлі. Бірақ басқа тұлғаларға қатысты мәселе көтерілген жоқ", – деді адвокат.

Алдын ала мәлімет бойынша, Күштібаевтың әйелі зорлаушы полицейдің жәбірленушісіне хатшы арқылы 40 миллион теңге аударған, ол бұл үшін тағылған айыптарынан бас тартуы керек болған. Алайда ол өз арыз-шағымынан да, ақшаны да қайтармаған. Бұл ретте сотталған экс-полицейдің әйелі жәбірленушіге емес, сот хатшысына қарсы арыз жазғаны белгілі болды.

"Біз тікелей Күштібаевтың ағасына қатысты және сол ақшаны тікелей алып кеткен адвокат пен жәбірленушінің өзіне қатысты айғақтар бердік. Әзірге бәрі осы. Қалған ақпаратты, рұқсат етсеңіз, клиентіммен келіскеннен кейін ғана БАҚ-қа бере аламын. Өйткені ол қатты уайымдап, жағдайды одан әрі ушығып кете ме деп қорқады. Оның айтуынша, барлық қызметкер бір-бірімен байланыста болғандықтан, бұл ақпараттан кейін қамауға алынады деп алаңдайды. Жарайды, негізі жылаудың қажеті жоқ, керісінше, әділдік іздеу керек дедім", – деп қосты адвокат Чиняева.

Мәліметтерге сүйенсек, Күштібаевтың әйелінен 40 миллион теңге алды деген тікелей зорлау құрбаны қазір Талдықорғанда жоқ.

Еске сала кетейік, бұған дейін Талдықорған полициясының басшысы қыз зорлады деген күдікпен ұсталғанын жаздық. Кейін ол екі айға қамауға алынды. ҚР Қылмыстық кодексінің 120-бабының 2-бөлігі ("Адамның қызметтік міндеттерін атқару кезінде жасаған зорлау") бойынша қылмыстық іс қозғалған. 29 ақпанда Марат Күштабаевтың қыз зорлау ісі бойынша сот процесі басталғаны хабарланған. Бұған дейін Талдықорғандағы қыз зорлау оқиғасынан кейін орта шенді полиция қызметкерлерін аттестациядан өткізбек екені белгілі болған.