Қазақстанда күзгі каникул уақыты белгілі болды

Қазақстанның мектеп оқушылары биыл күзгі каникулда 7 күн демалады, деп хабарлайды sadaqmedia.kz.

Оқу-ағарту министрлігінің мәліметінше, мектептегі күзгі демалыс 2023 жылдың 30-қазаны мен 5-қарашасын қоса алғанда жеті күнге созылады.

“Оқу-ағарту министрлігі мектеп оқушыларының күзгі демалыстағы бос уақытын тиімді өткізу және жеке тұлғалық қасиеттерін дамыту мақсатында Біртұтас тәрбие бағдарламасы аясында іс-шаралар жоспарын ұсынып отыр”,- деп хабарлайды министрлік.

Бағдарламаның толық жоспарын Оқу-ағарту министрлігінің әлеуметтік желідегі ресми парақшаларынан оқи аласыздар.