«Еңбегі сіңген жоқ»: Журналист Елдос Сметовтің анасымен қол ұстасып жүргенін сынағандарға жауап берді

Спорт журналисі Қыдырбек Рысбек Ақырыс Сейітқазының YouTube каналына берген сұхбатында Елдос Сметовтің анасына көрсеткен құрметі жайлы айтып берді, деп жазды turkystan.kz.

«Елдосты 9 ай, 9 күн көтеріп, 2 жыл мұздай бесікті танып отырып, емізген, жаялығын жуып, әлпештеп, халыққа ұсынған анасы 1-2 ай халықтың алдында жүрген екен онда тұрған не бар? Онда сенің қандай хақың бар? Әкеңнің қандай хақы бар?

Ойбай-ау, ол анасы емес пе?! Ол жүрсін. Келін екінші қатарда жүрсе, ол оның орны және жөні. Келіннің Елдосқа әлі анасындай еңбегі сіңген жоқ. Еңбегі сіңсе, енді сіңеді. Ана деген бөлек қой», - деді Қ. Рысбек.