«Бұрын-соңды болмаған»: Айгүл Иманбаева бұрынғы күйеуімен бірлесіп той жасады

Әнші әрі актриса Айгүл Иманбаева бұрынғы күйеуі Сәбит Әбдіхалықовпен бірлесе отырып ұлы мен келініне және немересіне арнап той жасады, деп хабарлайды Skifnews.kz ақпарат порталы.

Айгүл Иманбаева Instagram желісіндегі парақшасында тойда түсірілген ерекше видеоларды жариялады.

"Ал достар той бастады, керемет кештің куәсі болыңыздар", - деді әнші.

Той төрінде әншінің ұлы мен келінінің және немересінің есімі жазылып тұрды. Желіде жарияланған кадрлардан тойға актрисаның ет жақындары мен өнердегі әріптестері шақырту алғанын байқауға болады.

Тойда Айгүл Иманбаеваның анасы және бұрынғы енесі мен қазіргі енесі қатар тұрып тілек айтты. Иманбаеваның қазіргі күйеуі тойға келе алмаған. Әйтсе де видеоқоңырау шалып, экран арқылы той иелерін құттықтады.

Желі қолданушылары видеоға түрлі пікір қалдырған. Бірі қандай той екенін сұраса, кейбірі отбасының қуанышына ортақтасып жатыр.

"Той құтты болсын", "Түсінбей отырмын, не той? Үйлену тойы ма, бір жасы ма", "Той құтты болсын Айеке! Жастар бақытты болсын", "Тойларың құтты болсын, балаларың бақытты болсын", - деп жазған олар.