Дженифер Лопестің екінші концерті Алматыда өтуі мүмкін

Әлемге әйгілі әнші Дженнифер Лопес елімізге тағы келеді. Әншінің бұл жолғы концерті  Алматы қаласында өтетіні туралы айтылды, деп мәлімдеді Qogam News Youtube.

"Астана концерт" компаниясының продюсері Малик Хасенов сұхбат барысында Дженнифер Лопестың Қазақстанда екінші қосымша концерт беруі мүмкін екенін айтқан.

"Дженнифер Лопеспен екінші қосымша концерт өткізу туралы келіссөздер аяқталып қалды. Соңғы сатыда тұр", – деді Хасенов.

Сондай-ақ, ол Астана концертінде билеттер толық сатылып кетсе ғана екінші концерт қарастырылғанын атап өтті.