Қазақстанда жүргізуші куәлігін алу процесі өзгереді

Жүргізуші куәлігін алу тәртібі өзгереді Премьер-министрінің орынбасары - жасанды интеллект және цифрлық даму министрі Жаслан Мәдиевтің төрағалығымен жүргізуші куәлігін алу үшін емтихан тапсыру рәсімін жетілдіру мәселелері бойынша кеңес өтті.

Жаңа ережеге сәйкес: Жүргізуші куәлігін алу үшін емтиханды ақылы негізде, әр мүмкіндік арасында кемінде 10 күнтізбелік күн сақтай отырып, шектеусіз тапсыруға болады. Бұған дейін қайта оқудан өту талап етілетін;

Емтихан кезінде бақылау күшейтіліп, жасанды интеллект технологиялары енгізіледі;

Емтихан барысында тыйым салынған құрылғыларды пайдаланғандар және жүргізуші куәлігін заңсыз алуға жәрдемдесетіндер жауапкершілікке тартылады.

Сондай-ақ үміткерлер 1 жылға теориялық емтихан тапсыру құқығынан айырылады;

Автомектептердің қызметіне қойылатын талаптар күшейтіледі. Жүргізушілерді даярлау сапасы төмен болған жағдайда лицензиясы қайтарып алынуы мүмкін.