«Құдайдың разылығын алғым келді»: бейіттерді қиратқан жігіт Пайғамбарға еліктегенін айтты
Бұған дейін ауылындағы зираттарды қиратып көптің ашуына қалған жігіттің өз әрекетін түсіндірген видеосы тарады, деп хабарлайды sadaq.kz сайты Ulysmedia.kz-ке сілтеме жасап.
Бейнежазбадағы жігітітің айтуынша ол 2003 жылы дүниеге келген. Мұндай әрекетке баруына ол “адамдардың аллаға серік қосуы себеп болды” дейді.
“Жалпы дінімізде ең ауыр күнә аллаға серік қосу. Пайғамбарлар істің қиынан бастайды, оңайын бұйырса істейді. Бұйырмаса істемейді. Қарапайым пенде істің оңайын істейді, қиынын бұйырса істейді бұйырмаса істемейді. Құдай разылығына жету үшін пайғамбарларға еліктеп көру керек болмасаң да. Осындай ниетпен мүмкіндігім жеткенше істегенім осы”, - деп түсіндірді әрекетін ол.
Көлсайдың етегіндегі Саты ауылындағы оқиға желіні дүр сілкінлдірген еді.
Саты ауылының бір тұрғыны “дінімізге қайшы” деген желеумен ауыл зиратындағы құлпытастарды талқандап, марқұмдардың мәңгілік мекенін астан-кестен етткен.
“Құрметті ауыл тұрғындары бейіттің жоғары жағындағы аты-жөні жазылған тастардың барлығын сындырған. Мынау өмірден өткен жақындарымызды қорлау ма? Әдейілеп тұрып сындырып оны бейіттің ішіне шашқан”, – дейді видеоға түсіріп тұрған бейтаныс азамат.
Бұл жантүршігерлік әрекет Саты тұрғындарының ашу-ызасын туғызды.
Сіздің реакцияңыз қандай?
