Салтанат Нүкенованың ағасы Бишімбаевтан 1,5 миллиард теңге талап етті

Айтбек Амангелді моральдық шығын үшін өтемақы сомасын арттыруға қол жеткізуге тырысты, деп хабарлайды sadaq.kz сайты Orda.kz-ке сілтеме жасап.

Бірінші сатыдағы сот Қуандық Бишімбаевтан шығындарды жабу үшін 6,8 миллион теңге және моральдық зиянды өтеу үшін 10 миллион теңге өндіріп алу туралы қаулы шығарды. Алайда Амангелді бұл соманы жеткіліксіз деп есептеп, өтемақы мөлшерін 1,5 миллиард теңгеге дейін ұлғайтуды талап етіп, апелляция берді.

Апелляциялық сот бірінші сатыдағы соттың шешімін өзгеріссіз қалдырды.

Бұрынғы экономика министрі, естеріңізге сала кетейік, Степногорск колониясында азаматтық әйелі Салтанат Нүкенованы өлтіргені үшін жазасын өтеп жатыр.