«Бес адам қаза тауып, 11-і зардап шекті»: Қарағанды облысында автобус пен минивэн соқтығысты

Аталған дерек бойынша қылмыстық іс қозғалып, тиісті сараптамалар тағайындалды.

Шілде 15, 2024 - 11:17
 0  95
«Бес адам қаза тауып, 11-і зардап шекті»: Қарағанды облысында автобус пен минивэн соқтығысты
Фото: видеодан кадр

Бүгін Қарағанды облысының тас жолында жолаушылар автобусы мен көлік соқтығысты. Жол-көлік оқиғасының салдарынан бес адам қаза тапты, деп хабарлайды өңірлік полиция департаментіне сілтеме жасаған sadaqmedia.kz ақпарат порталы.

Ведомствоның мәліметінше, кеше сағат 12:00 шамасында "Алматы-Екатеринбург" тас жолында Ақшатау кентінен 30 шақырым жерде Қарағанды қаласына қарай бағытта автобуспен "Тойота Естима" көлігінің қатысуымен жол көлік оқиғасы болды.

"Жол апатының салдарынан "Тойота Естима" автокөлігінің 4 жолаушысы және автобустың бір жолаушысы оқиға орынында қайтыс болды. Әртүрлі дене жарақатымен ауруханаға 11 адам жеткізілді", - делінген ресми хабарламада.

Аталған дерек бойынша қылмыстық іс қозғалып, тиісті сараптамалар тағайындалды. Тергеу амалдары жүргізілуде.

"Қарағанды облысының Полиция департаменті жүргізушілерден жол жүру ережесін қатаң сақтап, жылдамдықты шектен тыс асырмауды сұрайды", - деп үндеу жасады тәртіп сақшылары. 

Автор
Жарияланды:
Барлық материалдары

Сіздің реакцияңыз қандай?

👍 Ұнады 0
👎 Ұнамады 0
😍 Керемет 0
😂 Күлкілі 0
😡 Сұмдық 0
😢 Қайғылы 0
😮 Жарайсың 0