«Қош бол, Тина»: Канделакидің еліміздегі косметика бизнесі банкрот болды

«Қазақстан орыс тілін шектеп жатыр» деген ресейлік тележүргізуші Тина Канделакидің тауарлары сөрелерден алынып жатыр, деп хабарлайды sadaqmedia.kz ақпарат порталы.

Азаттық сайтының жазуынша, бұған Канделакидің атышулы мәлімдемесінен кейін бет пен дене күтіміне арналған косметикаларына арналған тауарларды алушылардың саны күрт төмендеуі әсер еткен. Сонымен қатар, оның "Золотое яблоко" мобильді қосымшасы да сыни пікірлердің астында қалған.

«Золотое яблоко» Тина Канделакидің фашистік көзқарасын қолдап отыр. Бұл дүкеннен алыс жүріңдер», «Астананың төрінен орын беріңдер, жауып тастаңдар», «Еліміз бен халқымызды сыйламайтын адам біздің есебімізден табыс таппау керек», «Тина Канделакидың тауарын сату - Қазақстан халқын қорлау», - деген пікірлер бар.

Бірақ «Золотое яблоко» дүкенің әкімшілігін жауап бермеген. Есесіне, Астанадағы үлкен сауда орталықтарында орналасқан дүкендегі тауарлары алынып тасталған. Сөрелерде жоқ екен. Бұған дүкен сатушысы қарсылық әсер еткенін айтып отыр.

Айта кетейік, Ресейдегі белгілі тележурналист Тина Канделаки Қазақстан орыс тілін баяу болса да жою жұмыстарын жүргізіп жатқанын жазып, дабыл қаққан. Оның бұл жазбасына елдегі теміржол бекеттерінің атауының өзгеруі себеп болған. Қазақстанның сыртқы істер министрлігі Канделакиді елге кіруге тыйым салғандардың тізім қосатынын айтқан.