«Шетелдіктер Қазақстанға әйел алуға келсе, мен орталық ашуға келдім»: Павел Дуров Астанадағы форумда сөз сөйледі

Астанада Digital Bridge 2025 халықаралық технологиялық форумында Telegram мессенджерінің негізін қалаушы Павел Дуров сөз сөйлеп, қалжың айтты, деп хабарлайды sadaq.kz.

Telegram мессенджерінің негізін қалаушы Павел Дуров Астанада өтіп жатқан Digital Bridge форумында сахнаға шығып:

«Шетелдіктер Қазақстанға әйел алуға келеді, ал мен жасанды интеллект орталығын ашуға келдім», – деп әзілдеді.

Іс-шараға Қазақстан Президенті Қасым-Жомарт Тоқаев та қатысып отыр.

Спикерлердің қатарында Sinovation Ventures және 01ai бас директоры Ли Кай Фу, Стэнфорд университетінің ғылыми қызметкері, Google сарапшысы Питер Норвиг, G42 International компаниясының бас директоры Мансур Ибрагим Әл Мансури, Стэнфорд университетінің профессоры Илья Стербулаев және high-tech индустриясының басқа да өкілдері бар.