Дубайдағы «Бурдж әл-Араб» қонақ үйі уақытша жабылады
Дубайдағы Бурдж әл-Араб қонақ үйі алғаш рет ауқымды жөндеуден өтеді, деп хабарлайды Sadaq.kz сайты Kaz.inform.kz-ке сілтеме жасап.
БАӘ-нің символына айналған бес жұлдызды люкс санатындағы бұл нысан ашылғаннан бері алғаш рет жаңғыртылады. Жөндеу жұмыстары 18 ай бойы кезең-кезеңімен жүргізіледі.
Jumeirah Group бас директоры Томас Мейердің айтуынша, соңғы 27 жыл ішінде қонақ үй жоғары сервис деңгейін сақтап, әлемдегі үздік қонақүйлердің қатарында болды.
«Жаңа реновация бағдарламасы Бурдж әл-Араб тарихындағы кезекті маңызды кезеңді ашады», – деді ол Gulf News басылымына. Жобаны француз сәулетшісі Тристан Оэр басқарады.
Айта кетейік, бұл бастама Таяу Шығыстағы геосаяси жағдайдың люкс туризм сегментіне әсері талқыланып жатқан кезеңге тұспа-тұс келіп отыр.
