Алматыда жеті жасар қызын өлтірген қоғам белсендісі 20 жылға сотталды
Алматының қылмыстық істер жөніндегі мамандандырылған ауданаралық сотында қоғам белсендісі Балжан Тұрлыбекке қатысты үкім шықты.
Сотталушының қылмыстық әрекеттері куәгерлердің айғақтарымен, сараптама қорытындысымен дәлелденді.
Прокурор ҚР ҚК 99-бабы 3-бөлігі бойынша сотталушыға 20 жыл бас бостандығынан айыру жазасын тағайындауды сұрады.
Сотталушы тағылған айыпты ішінара мойындады.
«Сот үкімімен Балжан Тұрлыбек кінәлі деп танылды, оған 20 жыл мерзімге бас бостандығынан айыру жазасы тағайындалды. Сотталушыға қатысты ауырлататын және жеңілдететін мән-жайлар анықталған жоқ»,- деп хабарлады соттан.
Сот үкімі заңды күшіне енген жоқ.
Еске салайық, жеті жастағы қыз 2023 жылдың шілде айында кісі қолынан қаза тапқан еді.
Сіздің реакцияңыз қандай?
Ұнады
1
Ұнамады
0
Керемет
0
Күлкілі
0
Сұмдық
0
Қайғылы
0
Жарайсың
0
