Астананы жаңажылдық безендіруге 365 млн теңге бөлінген

Елордада жаңажылдық безендіруге дайындық басталып кетті. Астана әкімдігінің мәліметінше, қалада тұрғындар мен қонақтар үшін көптеген тегін қысқы нысандар пайда болады: мұз айдындары, сырғанақтар, тақырыптық шағын архитектуралық формалар, фотозоналар және жарық инсталляциялары, деп хабарлайды Sadaq.kz.

Аудандарда әкімдік балансына тиесілі жаңажылдық шыршалар орнатылады. Мерекелік әшекейлердің бір бөлігі гирляндалар, инсталляциялар және сәндік элементтер - қайта пайдаланылып, бюджет шығындарын оңтайландыруға мүмкіндік береді.

Жеке қоғамдық кеңістіктер қысқы демалыс атмосферасын қалыптастыратын арнайы шағын архитектуралық формалармен және жарықтық композициялармен безендіріледі.

Мерекелік безендіру қалалық бюджет және демеушілер есебінен қаржыландырылады. Қысқы безендіруге аудандар бойынша шамамен 365 млн теңге бөлінген, олар төмендегідей бөлінеді:

Байқоңыр ауданы - 50 млн,
Сарайшық ауданы - 50 млн,
Сарыарқа ауданы - 50 млн,
Алматы ауданы - 50 млн,
Есіл ауданы - 90 млн,
Нұра ауданы - 75 млн.

Мерекелік іс-шаралар кестесі Жаңа жыл жақындаған кезде Астана әкімдігінің ресми сайтында жарияланады.