Фельдшер Ұлдана Мырзуанның атындағы аудитория ашылады

Астанадағы тұрғын үй кешеніндегі кондиционер басына құлап, көз жұмған фельдшер Ұлдана Мырзуанның құрметіне медколледжде аудитория ашылады, деп хабарлайды turkystan.kz.

Денсаулық сақтау министрі Ақмарал Әлназарова Астанадағы тұрғын үй кешендерінің бірінде қасбеттік қаптама мен кондиционердің құлауына және одан кейін жедел жәрдем фельдшері қаза тапқан іске қатысты тергеудің барысын түсіндірді.

Мұнда бұрын белгілі бір кезеңде сақталмаған болуы мүмкін құрылыс нормалары мен ережелеріне қатысты сұрақтар көп, — деді министр Мәжіліс кулуарында.

Тергеу жалғасып жатыр.

Біз Ұлдана оқыған медициналық колледжде оның есімін ұлықтайтын аудитория ашуды жоспарлап отырмыз, — деп қосты Ақмарал Әлназарова.

Еске салайық, 8 қараша күні елорданың Алматы ауданында, Тәуелсіздік даңғылы 24Б мекенжайындағы тоғыз қабатты тұрғын үйдің қасбетіндегі сыртқы кірпіш қаптамасы мен кондиционер құрылғысы құлап түскен.

Жедел жәрдем фельдшері Ұлдана Мырзуан шақырту кезінде зардап шеккендерге жүгіріп көмек көрсетуге ұмтылған. Сол сәтте оның үстіне және ол құтқармақ болған адамдарға ауыр құрылыс фрагменттері құлап түсті.

Ұлдана ауыр жарақаттармен жансақтау бөліміне жеткізілді. Дәрігерлер бірнеше апта бойы оның өмірі үшін күресті, алайда ол көз жұмды.

Президент фельдшер Ұлдана Мырзуанды «Ерлігі үшін» медалімен марапаттады.