Маңғыстау облысында үйлерді су басты
Маңғыстау облысында нөсер жауынның салдарынан үйлерді су басты, деп хабарлады облыстық ТЖД баспасөз қызметі.
Ведомствоның мәліметінше 14-15 сәуір аралығында өңірде айлық нормадан 3-4 есе көп жауын-шашын түсті.
"Нөсер жаңбыр салдарынан Жаңаөзен қаласы, Маңғыстау және Қарақия аудандарында көшелерді су басты. Жаңаөзен қаласында 2 тұрғын үйге су кірді", - деп жазылған хабарламада.
Жағдайды тұрақтандыру үшін жергілікті атқарушы органдар мен ТЖД-дан 50-ден астам техника және 150-ден астам жеке құрам жұмылдырылды.
Сондай-ақ, қатты жел салдарынан Маңғыстау және Бейнеу аудандарында шамамен 20 тұрғын үйдің шатыры зақымданды.
Сіздің реакцияңыз қандай?
Ұнады
0
Ұнамады
0
Керемет
0
Күлкілі
0
Сұмдық
0
Қайғылы
0
Жарайсың
0
