Алматы облысында 5 автокөлік соқтығысып қалды
Алматы – Көкпек – Көктал автожолының 32-шақырымында бес көлік қатысқан жаппай жол-көлік оқиғасы болды, деп хабарлайды sadaq.kz.
Алматы облысы полициясының мәліметінше, Mitsubishi көлігі Toyota Carina E автокөлігімен соқтығысқан. Соққыдан кейін Toyota Carina E инерциямен алда тұрған Volkswagen көлігіне соғылған. Оқиға тізбегі жалғасып, кейін Toyota Camry мен Audi көліктері де соқтығысқан.
«Полиция қызметкерлері Mitsubishi автокөлігінің жүргізушісін жол қозғалысы ережелерін бұзып, жол-көлік оқиғасына себепкер болғаны үшін жауапкершілікке тартты. Алдын ала мәлімет бойынша, Алматы – Көкпек – Көктал автожолының 32-шақырымында Mitsubishi жүргізушісі Toyota Carina E көлігімен соқтығысқан. Соққыдан кейін Toyota Carina E инерциямен Volkswagen көлігіне соғылып, одан әрі Toyota Camry мен Audi көліктерімен соқтығысқан», – деп хабарлады құқық қорғау органдары.
Барлық бес көлік те механикалық зақым алған. Алдын ала мәлімет бойынша, жол апатына қатысушылардың ешқайсысы зардап шекпеген.
Сіздің реакцияңыз қандай?
Ұнады
0
Ұнамады
0
Керемет
0
Күлкілі
0
Сұмдық
0
Қайғылы
0
Жарайсың
0
